ហេតុការណ៍នោះកើតឡើងដោយសារ២នាក់ប្តីប្រពន្ធ និងក្រុមមិត្តភក្តិនាំគ្នាទៅដើរកម្សាន្តនៅកន្លែងកម្សាន្តសាធារណៈមួយក្នុងទីក្រុងជីស៊ីណូ ។ បន្ទាប់ពីកម្សាន្តអស់ចិត្តហើយអ្នកស្រីម៉ារីណា អាយអូនីតា អាយុ៤៩ឆ្នាំ ជាប្រពន្ធរបស់លោកផ្លូរីន អាយអូនីតា បានស្ម័គ្រចិត្តបើករថយន្តជូនមិត្តភក្តិមួយចំនួនត្រឡប់ទៅផ្ទះវិញដោយទុកប្តីនៅជាមួយមិត្តស្រីអាយុ២៤ឆ្នាំរបស់ខ្លួន ។
ខណៈស្ត្រីជាប្រពន្ធត្រឡប់មកវិញស្រាប់តែឃើញប្តីស្ថិតក្នុងសភាពខុសធម្មតា គឺខោធ្លាក់នៅត្រង់ចុងជើង និងមានឈាមហូរចេញពីលិង្គ ព្រមទាំងស្រែកដោយក្តីឈឺចាប់ ។
លោកផ្លូរីន សារភាពថា រូបគេព្យាយាមរួមរ័កជាមួយមិត្តរបស់ប្រពន្ធដោយនារីរូបនោះធ្វើជាពេញចិត្ត តែបានខាំលិង្គរបស់គេពេញទំហឹងវិះតែដាច់ ។
នាងម៉ារីយ៉ា អាយអូនីតា និយាយថា ពីដំបូងនាងអភ័យទោសដល់ប្តី ព្រោះយល់ថាគេធ្វើបែបនេះគឺជានិស្ស័យរបស់បុរសគ្រប់រូប ប៉ុន្តែបន្ទាប់មកបែរជានឹកខឹង ដូច្នេះហើយនៅពេលទូរស័ព្ទហៅរថយន្តសាមុយ នាងប្រាប់កុំឱ្យមកលឿនពេក បណ្តោយឱ្យប្តីរបស់នាងអង្គុយយំទ្រាំលែងបានសិនទៅ ។
ចំណែកស្ត្រីរងគ្រោះបានប្តឹងប៉ូលិសដោយរៀបរាប់ថា «លោកផ្លូរីន ព្យាយាមប្រើកម្លាំងចាប់រំលោភខ្ញុំ ដូច្នេះមានផ្លូវតែម្យ៉ាងគត់ដែលគិតថា នឹងធ្វើឱ្យបុរសល្មោភកាមបាត់អារម្មណ៍ផ្លូវភេទ គឺខាំលិង្គរបស់គេបំផ្លាញចោលតែម្តង»។
បទល្មើសនោះលោកផ្លូរីន អាចជាប់គុករយៈពេល៥ឆ្នាំ ៕
No comments:
Post a Comment